Марий Элыште у ий гыч капитально олмыктымылан эн изи взносын кугытшо ешаралтеш

Марий Элыште у ий гыч капитально олмыктымылан эн изи взносын кугытшо ешаралтеш
            Марий Элыште у ий гыч капитально олмыктымылан эн изи взносын кугытшо ешаралтеш.  Тудо 80 ырлан кугемеш да ик квадрат метрлан лу теҥгеат 50 ыр лиеш. Чоҥымаш министерствын ончыктымыжо почеш тиде решений инфляций процесс дене кылдалтын да шуко пачеран пӧртлам капитально олмыктымо фондышто  оза- влакын погымо оксаштым кугемдаш виктаралтын. Лу ий жапыште республикыште капитально олмыктымо программе кышкарыште тӱжем утла шуко пачеран пӧртым тӧрлымӧ. Капитально олмыктымашке леведыш ден фасадым, инженер системым ачалымаш, лифтым вашталтымаш, подвалым олмыктымаш пурат. Мутлан ик квадрат метр скатный леведышым вашталташ акше 12 тӱжем теҥгеш шуэш, а тичмаш пашан акше 7-8 миллион теҥге лиеш. Тыгай оксам иканаште погаш неле. Но капитально олмыкташлан эре тӱлымӧ взнос кугу роскот деч кораҥаш йӧным пуа,- умылтара министерстве.
       Фото: Чоҥымаш, илыме вер, коммунал озанлык министерстве.

Прошлые выпуски