Республикын правительствыштыже таза илыш йӱлам ыштыме йодышым каҥашеныт
Республикын правительствыштыже таза илыш йӱлам ыштыме йодышым каҥашеныт. Правительстве председательын икымше алмаштышыже Наталья Ошланова таза илыш йӱлам ыштыме шотышто ведомство- влак кокласе комиссийын заседанийжым эртарен. Погынымашын ик тӱҥ темыже калыкым физкультура да спорт деке кумылаҥдымаш лийын. Республикыште физкультура ден спортым вияҥдыме шотышто кугу паша шукталтеш. Тений 500 утла кугу таҥасымашым эртарыме. Регионышто спорт ямдылалтмаш дене 13 организаций пашам ышта: олимпий резервын 6 спорт школжо, 5 спорт школ, олимпий резерв училище, паралимпий резервын спорт да адаптаций школжо улыт. Спорт ямдылалтмаш программе почеш ныл тӱжемат 358 еҥ заниматла. Россий кӱкшытан ГТО физкультурно-спорт комплекс кышкарыште ГТО комплексым тестироватлыме 20 рӱдер пашам ышта. Заседанийыште тыгак «Тӱшка тазалыкым пеҥгыдемдымаш» федерал проектым шыҥдарыме лектышым иктешлыме. Республикыште 127 школышто йоча- влакым пукшымо пашалан социал шымлымашым эртарыме. Тидын годымак кочкыш сату ден сырьён качествыжым тергат. Шымылме почеш Роспотребнадзор виктем ден туныктыш министерстве республикысе школлаште 2023-шо 2026-шо ийлаште йоча- влакым пукшымо йодышым саемдыме шотышто пашам палемденыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
