Шушаш ийын Йошкар-Олаште кок школым капитально олмыктат

Шушаш ийын Йошкар-Олаште кок школым капитально олмыктат
              Шушаш ийын Йошкар-Олаште кок школым капитально олмыктат. Кызыт подрядчикым рашемдат, заказчикше- муниципал заказын дирекцийже лиеш. 10-шо номеран кыдалаш школын зданийжым капитально олмыкташ 97 миллион теҥгем кучылташ палемдыме. Паша радамыш электроснабженийым, вӱдым ситарымашым да йоктарен колтымашым, ырыктыме  да южтарыме системым олмыктымаш пурат. Пожар да видеоэскерыме автомат системе вераҥдалтеш. Пашам шушаш ийын февраль гыч икымше август марте шуктышаш улыт. Капитально олымктымо паша тыгак Семёновка селасе Василий Архипов лӱмеш кыдалаш школымат вуча. Пашалан 98 миллион теҥгем палемдыме. Тушто пӧлем- влакым, фасад ден левелышым, пӧртӧнчылым, отмосткым олмыктышаш улыт. Ырыктыме, вӱдым ситарыме да канализаций системым ыштат, электромонтаж пашам шуктат. Сомылым тыгак икымше февраль гыч икымше август марте шуктышаш улыт.
              Фото: vk.com/arkhipovschool

Прошлые выпуски