Марий калыкын эпосшым аудиокнигаш савырыме
Марий калыкын эпосшым аудиокнигаш савырыме. Анатолий Спиридоновын возымо «Югорно» марий эпосым йӱк дене лукмо. Тиде пашам «Карелийысе марий- влак» мер ушемым вуйлатыше Михаил Асессоров тӱҥалын, диктор семын Вадим Пугачёв тыршен. Аудиокнигаш 26 трек пурен. Книган кужытшо вич шагат наре шуйна. Тудо рушла йоҥга. «Югорно»- кугу эпический поэме. Тудо марий калыкын мифше, легендыже, каласкалымыже, мурыжо негызеш шочын. Поэмым руш йылме дене возымо. Вара тудым марий йылмыш поэт Анатолий Мокеев кусарен. 2019-ше ий тӱҥалтышыште Шкетан лӱмеш калыкле марий драма театрыште эпос негызеш «Югорно» спектакльым шындыме ыле.
