«Марий калыкын легендыже-влак» фестивальыштыже сеҥыше- влакын лӱмышт пале
Пу гыч пӱчкедыше- шамычын «Марий калыкын легендыже-влак» фестивальыштыже сеҥыше- влакын лӱмышт пале. Пу скульптурын Россий кӱкшытан фестиваль- конкурсшо Йошкар-Олан кечыжым пайремлыме кышкарыште 7-ше августышто почылтын. «Марий парк» воктелсе площадке икмыняр кечылан мастерскойыш савырнен. Конкурсыш Марий Эл, Чуваший, Мордовий, Удмуртий да Пенза область гыч шым мастар ушнен. Нуно марий йомак ден легендын персонажшым ыштышаш улыт ыле. Кодшо кечылаште жюри иктешлымашым ыштен. Фестивальын чемпионжо лӱмым «Изи Онар» скульптурыжо дене Шернур район гыч Владимр Антропов налын. Кокымшо верыш акрет годсо Ирга лӱман чолга марий ӱдырым пӱчкын лукшо Сергей Тихонов лектын. Кумшо вер «Чодыра оза» скульптурым ыштыше Чебоксар гыч Евгений Акимовлан логалын. Нуно 100, 70 да 50 тӱжем теҥге окса пӧлекым налыныт. А пашашт Марий Паркым сӧрастараш тӱҥалеш.
Тиддеч посна фестиваль кышкарыште «Писе пила» конкурс эртен. Тушто участник- влак 90 минут жапыште метрат пеле кужытан пырня гыч янлык але кайык фигурым пӱчкын лукшаш улыт ыле. Сеҥышыш эн самырык участник- Куженер район гыч талантан, ончыкылыкым сӧрышӧ Дмитрий Смородинов лектын. Тудо «Шордо» скульптурым ыштен.
Фото: Ирга Козлова.
Тиддеч посна фестиваль кышкарыште «Писе пила» конкурс эртен. Тушто участник- влак 90 минут жапыште метрат пеле кужытан пырня гыч янлык але кайык фигурым пӱчкын лукшаш улыт ыле. Сеҥышыш эн самырык участник- Куженер район гыч талантан, ончыкылыкым сӧрышӧ Дмитрий Смородинов лектын. Тудо «Шордо» скульптурым ыштен.
Фото: Ирга Козлова.
