Советский районын илышыж гыч
Марий Элым вуйлатыше Юрий Зайцев Советский район алдминистраций вуйлатышын сомылжым жаплан шуктышо Евгений Пушкин дене вашлийын. Мутланымаш районын социально-экономический вияҥмашыже, тӱрлӧ проектым илышыш шыҥдарыме нерген лийын. Регионым вуйлатыше Советский районышто тачысе кечын могай тургыжландарыше йодыш-влак улыт, кучем деч могай полышым вучат рашемден. Районыш миен толаш кумылжым ончыктен.
Евгений Пушкин муниципал образованийыште федерал да республикысе программе-влакын, нацпроект-шамычын илышыш шыҥдаралтмышт нерген ойлен. «Лӱдыкшыдымӧ сай качестван корно-влак» калыкле проект почеш, мутлан, тений 18 километр наре корным тӧрлаш палемдыме. «Илыме вер да оласе среда» нацпроект почеш 5 кудывече ден тӱшкан погынымо 4 верым тӧрлат. Верысе инициативе программе почеш 11 проект илышыш пурталтеш. Роҥго школышто гын «Пилотдымо авиаций системе» калыкле проект почеш Пилотдымо авиаций системе шотышто ямдылалтме рӱдерым почыт. Тылеч посна шуко пачеран пӧртла дек корным тӧрлат, тӱвыра да туныктымо тӧнеж-влакым олмыктат, моло пашам шуктат.
