Ойгандарыше увер

Ойгандарыше увер
           Ойгандарыше увер. Лӱмлӧ спортсменка, чапланыше куржталше Римма Пальцева илыш дене чеверласен. Тудлан 75 ий темын ыле. Римма Алексеевна республикыштына Российын тӱнямбал классан сулло спорт мастерже. Сутка мучко куржталмаш дене тӱнямбал рекордым шындыше ик еҥ гына улмаш. 23 ий мучко тудо куштылго атлетике дене сборныйышто СССР ден Российын чапшым арален. 2015-ше ийыште 11-ше 12-шо апрельыште сутка мучко куржталмаш дене тӱнян чемпионатыштыже 66 ияш Римма Пальцева шке ийгот категорийыштыже эн сай лектышым ончыктен: 195 меҥгат 498 метрым 24 шагатыште куржын эртен да рекордым шынден. Тидын годым американ спортсменкым 27 меҥгылан ончылтен. Римма Алексеевна дене чеврласымаш эрла кушкыжмын, 13-шо августышто Йошкар-Оласе Больничный уремысе 18-ше Б пӧртын траур залыштыже 11 шагатлан лиеш. 
              Фото: Куржталаш йӧратыше- влакын «Айвика» клубышт.

Прошлые выпуски