«Марий мландын курымаш вийже» экспозицийым 19-ше декабрьыште почыт
Тимофей Евсеев лӱмеш калыкле тоштерыште у ончер почылтеш. Республикын 100 ияш лӱмгечыжлан пӧлеклалтше «Марий мландын курымаш вийже» экспозицийым 19-ше декабрьыште почыт. Тушко тоштерын фондшо гыч коллекций ден ӱзгар- влакым, «Марий Элын поликультурный картыже» проект гыч материал- влакым чумырымо. Ончер республикын кызытсе илышыжым районла гоч ончыкта, кажныжлан посна разделым пӧлеклыме.
