Марий Турек районышто ыресым нумал ошкылмо годым самырык рвезым тынеш пуртеныт
Марий Турек районышто ыресым нумал ошкылмо годым самырык рвезым тынеш пуртеныт. Юмынаван Седмиезерный юмоҥаже дене ыресым нумал ошкылмаш кызыт Марий Турек район мучко эрта. Тушко Марий Турек посёлкысо Петропавловский приходын «Кугу кучемын йочаже- влак» самырык командат ушнен. Самырык еҥ- влак коклаште тынеш пурыдымо рвезат лийын да пураш кумылжо шочын. Тыге, ыресым нумал ошкылшо- влак Кӱйык (Мамсинер) ялыш толын шуыныт, Лев ача таҥошкылмаш деч вара Шнуй-Тройчын черкыште тиде йӱлам шуктен. Пӱтынь самырык команде тидын годым тушто лийын кертын. Бачышка самырык- влаклан кажне действийын, кажне шомакын мом ончыктымыжым раш умылтарен. Кастене самырык- влак службылан чолган полшеныт, пырля кас кочкышым ыштеныт, тулото воктене ласкан мутланен шинченыт. Вес кечын ырес дене ошкылмаш Сизнур, Лом, Хлебниково илемлашке тарванен.
Фото: Марий Турек посёлкысо храм.
Фото: Марий Турек посёлкысо храм.
