МЧС увертарен: республикысе могай ола, ял, селалан шошо вӱдшор лӱдыкшым луктын кертеш
МЧС увертарен: республикысе могай ола, ял, селалан шошо вӱдшор лӱдыкшым луктын кертеш. Ведомствын ончыктымыжо почеш, вӱд чот шарлаш тӱҥалеш гын, лӱдыкшӧ верыш шым ял ден олаште 70 пӧрт логал кертеш. Мутлан Йошкар-Олаште Клара Цеткин уремыште, кокымшо Луговой изуремыште да Какшан проездыште вич пӧрт деке вӱд лишемеш. Якимово ял ден Яким выселкыште 8 пӧрт лӱдыкшӧ верыште улеш, Нолькышто-9 пӧрт. Тыгак кугу вӱд лиеш гын Три Рутки яллан да Куяр посёлкышто 32 пӧртлан лӱдыкшӧ лиеш. Кокшайскыште куд пӧртым да «Волгарь» сад товариществыште 11 пӧртым вӱд налын кертеш
Фото: Марий Элысе МЧС виктем.
Фото: Марий Элысе МЧС виктем.
