МЧС-ын Марий Элысе виктемже гыч ечызым Российын сборныйышкыжо ӱжыныт

МЧС-ын Марий Элысе виктемже гыч ечызым Российын сборныйышкыжо ӱжыныт
            МЧС-ын Марий Элысе виктемже гыч ечызым Российын сборныйышкыжо ӱжыныт. Россий МЧС-ын Марий Элысе тӱҥ виктемжын пашаеҥже Юлия Падыганова Россий МЧС-ын ече дене Россий кӱкшытан таҥасымашыштыже кокымшо лийын. Ӱчашымаш Пермь крайысе Чайковский олаште эртен.  Мемнан спортсменка кум меҥгым ӱшанлын эртен да 30 ияш марте спортсмен- влак коклаште ший медальым сеҥен налын. Тыге тудым Российын сборный командышкыже ӱжыныт. А команде- влак коклаште вер- влак тыге радамлалтыныт: икымше верыш Урал федерал округын командыже лектын, Юл кундем округын командыже кокымшо лийын, Йӱдвел- Касвел округын командыже кумшо верым налын. Юлия Йошкар-Оласе 5-ше пожар да утарыше частьыште диспетчерлан ышта. шукерте огыл «Российын спорт мастерже» нормативым шуктен, ПФО-н чемпионкыжо лийын.
             Фото: МЧС-ын Марий Элысе виктемже.

Прошлые выпуски