Йошкар-Оласе 14-ше гимназийыште «Герой- влакым шарныме пырдыжым» почмо
Йошкар-Оласе 14-ше гимназийыште «Герой- влакым шарныме пырдыжым» почмо. Кадет- влак участвоватлыман Торжественный мероприятийыш «Боевое братство» организацийын еҥыштым, гиназийын вуйым пыштыше выпускникше- влакын лишыл еҥыштым ӱжмӧ. Пырдыжыште икмыняр блокым ончыктымо: школын Кугу ачамланде сарыште лийше выпускникше- влак, элнан тичмашлыкшым аралымаште тыршыше, воин-интернационалист- влак. Шарнымашан верыште герой- влакым палемдыме: вуйым пыштыше Михаил Красиловым, Дмитрий Назаровым, Иван Денисовым. Нуно чыланат илыш дене чеверласымеке мужество орден дене палемдыме улыт. Пырдыжыште моло выпускник- СВО участник- влакын лӱмышт уло: Данир Валиуллин, Александр Липатов, Абдулхаким Назаров, Максим Чашев, Павел Морычев, Иван Багаев. Южыжо кызытат СВО-што улыт, наградымат налыныт. Ола администрацийыште ойлымо почеш, гимназийыште пырдыжым тӧрленыт, оформленийым шонен муыныт, тунемше- влак шке уверым погеныт да выпускник-герой- влак нерген видеороликым ямдыленыт.
Фото: Гимназия №14.
Фото: Гимназия №14.
