Марий Эл гыч черетан гуманитар грузым спецоперацийым эртарыме кундемыш намийыме
Марий Эл гыч черетан гуманитар грузым спецоперацийым эртарыме кундемыш намийыме. Правительстве вуйлатышын алмаштышыже Степан Воронцов Марий Элым вуйлатыше Юрий Зайцевлан СВО-ш гуманитар грузым намиен шуктымо, у кундем- влаклан чарныде полышым пуымо нерген каласен. Степан Воронцовын мутшо почеш полышым погымаште ура чонен еҥ- влак, мер да волонтёр толкын- влак тыршат. «Марий Эл верч» Поро кумыл фонд командир- влакын йодмышт почеш эре пога да боец- влаклан сарзе да шеф полышым намиен кода. А командир- влак деч йодмаш вигак фондыш Республикым вуйлатыше лӱмеш толеш. Полышым погымо годым тыгак военнослужащий- влакын ава ден пелашыштын йодмыштымат шотыш налыт. Боец- влаклан февральыште намийыме гуманитар конвойын составышкыже 7 автомобиль, автошапаш ден инструмент, чоҥымо материал, маскироватлыше вот, блиндажлык сорта, посна оборудований, шокшо вургем пуреныт. Тиддеч посна лишыл еҥ- влак деч адресан посылкылам колтымо. Юрий Зайцев палемден: кӱлешан грузым погымо да колтымо паша чарнен ок шого манын да чарныде полышым погышо да намиен кодышо еҥ- влаклан таум каласен. Военнослужащий- влаклан полышым пуымо деч посна Марий Эл деч у регионлаште илыше- влакланат канцеляр сату ден модыш- влакым колтымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
