Кугурак ийготан «студент- влак» компьютерым тунемыт
Марий Радиомеханический техникумышто илалше еҥ- влаклан компьютер шинчымашым нӧлтымӧ курсым почмо. Тушто компьютерым палыдыме-влакым тӱҥалтыш гычак туныктат. Компьютерын кузе пашам ыштымыже да тудын кузе ышталтмыже, клавиатурыжо, тӱҥ функцийже- влакым умылтарат. Вара ийготан студент- влак текст да графике редактор дене пашам ышташ, электрон документым чоҥаш, фотографийым редактироватлаш, презентацийым ямдылаш тунемыт. Тунемме жапын кугу ужашыже интернетлан пӧлеклалтеш.
