«Ментальное здоровье» проектым шыҥдарымаште Марий Элын сеҥымашыжым округ кӱкшытыштӧ палемдыме
«Ментальное здоровье» проектым шыҥдарымаште Марий Элын сеҥымашыжым округ кӱкшытыштӧ палемдыме. Республикыш Юл кундем округышто Россий Президентын полномочный представительжын полышкалышыже Владимир Колчин толын. Тудо Правительстве вуйлатышын икымше алмаштышыже Михаил Васютин дене пырля округысо «Ментальное здоровье» мер проектым шыҥдарыме шотышто совещанийым эртареныт. Владимир Колчин ушештарен: проект полпред Игорь Комаровын тӱҥалтышыже почеш 2019-ше ий годсек шыҥдаралтеш, Марий Эл тушко 2022-шо ий гыч ушнен. Ментальный нарушениян, койыш-шоктышышто ситыдымашан инвалид- влакым комплексно реабилитироватлыме сфера- пеш неле да ойыртеман тема. Пытартыш ийлаште социал аралтыш, тазалыкаралтыш да туныктыш министерстве- влак чолган пашам ыштеныт, вара моло институт- влакат ушненыт. Законодательствым, нормативым вашталтыме, у профессий- влак шочыныт. Полпредын полышкалышыже ешарен: Марий Элыште проектым шыҥдарымаште сеҥымаш- влак улыт. Тыгак тудо эше мом саемдаш лийме нерген ойлен. Докладым тыгак социал вияҥмаш министр Марина Островская, туныктыш министр Лариса Ревуцкая, тазалыкаралтыш министрын алмаштышыже Татьяна Бастракова ыштеныт. Изи гычак черланыше да школлаш коштдымо йоча- влак коррекций полышым ондак полышым пуышо службышто налын кертыт. Туныктымо системыште ондак полышым пуышо 7 службо уло: нылытше школ деч ончычсо тунемме тӧнежлаште, кумытшо психологий да педагогик, медико-социал рӱдерлаште.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
