Школлаште тунемше- влак Марий Паркысе кайык- влаклан шырчык омартам ыштен кертыт

Школлаште тунемше- влак Марий Паркысе кайык- влаклан шырчык омартам ыштен кертыт
            Республикысе школлаште тунемше- влак Марий Паркысе кайык- влаклан шырчык омартам ыштен кертыт. Акцийым «Ямде лий!» газет увертарен. Паркыште тымарте пурымо верым, йолгорно- влакым, сценым ыштыме, йоча площадке верым, регион, район, ола- влакын секторыштым палемдыме. А ынде тунемше- влак кайык-шамычым кумылаҥдышаш улыт. «Ямде лий!» газет ден «Шырчык парк» клуб тудын вуйлатышыже Валерий Мочаев дене пырля «Марий паркыште- тыйын лӱмет» акцийым увертареныт. Йоча- влак кайык –шамычлан поро пашам ыштен шке лӱмыштым паркым тӱзландарыме историеш коден кертыт. Эн мотор шырчык омартажым парк кундемеш вераҥдыме лиеш. Ямде кайык пӧртым 15-ше март марте Мер-политик рӱдерыш конден кодыман. Омартам пу гыч ыштыман, 25-30 сантиметр кӱкшытан, 20 сантиметр кумдыкан, пурымо рожшо 3 сантиметар пеле- вич сантиметр кугыт, картузшо 5-6 сантиметр, ончыл пырдыжын ӱлныжӧ южтараш 6-7 миллиметр кугытан рожым шӱтыман Кӧргӧ могыржым шымартыман огыл, кишше лийшаш огыл. Омартан ончыл але ӧрдыж могырыштыжо лӱм ден фамилийым, школым, ямдылыме ийым когартен ончыктыман. Чыла йодмашлан келшен толшо шырчыкомарта- влак Марий парк кундемыш вераҥдалташ тӱҥалыт.
             Фото: Пётр Васильев.

Прошлые выпуски