«Газпром межрегионгаз Йошкар-Ола» предприятий парыман- влаклан газым пуымым чарнен

«Газпром межрегионгаз Йошкар-Ола» предприятий парыман- влаклан газым пуымым чарнен
             «Газпром межрегионгаз Йошкар-Ола» предприятий парыман- влаклан газым пуымым чарнен. Медведево районысо ик шуко пачеран пӧрт гыч кок пачерыште илыше- влак пайдаланыме газлан жапыштыже тӱлен огытыл, газовик- влакым оборудованийым тергаш да газым петыраш пуртен огытыл, газым ситараш да технически обслуживатлаш ойпидышым кылдашат тореш лийыныт. Парым нерген шижтарымыланат нимат вашештен огытыл. Парымышт 166 тӱжем теҥгем эртен. Специалист- влак пӧрт кӧргысо газ пучым вес семын ыштеныт да нунылан газым пуымым чарненыт. Абонент- влак ситыдымашым кораҥдат гын, пачерлашкышт газым вич кече жапыште пуат. Шуко еҥже чыла чын да сайын умыла, 98 процент калык жапыштыже тӱлен шога. Туге гынат, тений идалык тӱҥалтышлан газлан тӱлен шуктыдымо ак 33 миллион теҥгеш погынен.- палемден «Газпром межрегионгаз Йошкар-Ола»   ушемын генеральный директоржын пашажым шуктышо Марсель Шакиров.
                Фото: «Газпром межрегионгаз Йошкар-Ола»

Прошлые выпуски