Морко районысо ситуацийым Россий Следствий комитет контрольыш налын
Морко районысо ситуаций Россий Следствий комитетын тӱткышыжым налын. Следствий комитетым вуйлатыше Морко районышто начар транспорт инфраструктура шотышто обращенийым тергымашым контрольыш налын. Россий следствий комитетын увер рӱдерышкыже районысо Адымаш (Йыр) ялысе калыкын праважым пудыртымо нерген обращений пурен. Ялыште корным асфальт дене леведме огыл, йӱран годым рок лапашыш савырна, шке машина да экстренный службын транспортшо пурен ок керт. Калыкын ятыр гана йодмашыже нимогай лектышымат пуэн огыл. Ресепубликысе следствий виктемыште пурышо обращений почеш тергымаш тӱҥалын. Россий Следствий комитетым вуйлатыше Александр Бастрыкин тергымашым рӱдӧ аппаратыште контрольыш шынден да Республикысе следствий виктемым вуйлатыше Александр Рычковлан лектыш нерген увертараш кӱштен.
Фото: Россий СК-ын Марий Элысе Следствий виктемже
Фото: Россий СК-ын Марий Элысе Следствий виктемже
