Юрий Зайцев «Трэвел Лайн Системс» Ай-Ти компанийын у офисышкыже миен

Юрий Зайцев «Трэвел Лайн Системс» Ай-Ти компанийын у офисышкыже миен
               Теҥгече Марий Элым вуйлатыше Юрий Зайцев «Трэвел Лайн Системс» Ай-Ти компанийын у офисышкыже миен. Программым ямдылыше бизнесшым Йошкар-Олаште 2008-ше ий годсек вияҥда. Компаний унагудо да турист индустрийлан онлайн-решений- влакым темла. Клиентше- влак радамыште кугу унагудо сеть- влак улыт. Тӱҥ продуктшо- онлайн-ужалкалыме да унам вераҥдыме йӧн- влакым: отельым, каныме базым, санаторийым да молымат виктарыме единый платформо. Марий Элыште ыштыме программный обеспечений бизнеслан вияҥаш, пашам автоматизироватлаш да парышым кугемдаш полша. Компанийын генеральный директоржо Александр Галочкин пашажлан презентацийым эртарымыже годым палемден: кушто шочынам, туштак кӱлеш лийынам манме ой- тиде мемнан тӱҥ шонымашна. Ме российысе унагудо бизнеслан полышым ямдылена, мемнан платформо дене Россий мучко отель- влак пайдаланат, нунын коклаште кугу, палыме отель- влакат улыт. Но тидын годымак ме шочмо республикыште, Йошкар-Олаште кодына. Тыште мемнан тӱҥ офисна верланен. Вашлиймашыште Марий Элым вуйлатыше палемден: Чыла Ай-Ти компаний гыч Трэвел Лайн Системс налог шотышто лидер улеш, тыгеже парышыжат сай. Тидыже регионышто пашан достойный лектышыжым ончыкта. Команийын ончыктымыжо почеш 2024-ше ийыште регионысо бюджетыш 700 миллион теҥге оксам колтен. Кызыт кӧргӧ туризм – тиде ик кушмо точко. Путырак куандара: мемнан республикыште тыгай компаний уло да тудо отрасльым ончыко наҥгая. Трэвэл Лайн Системсыште 700 утла еҥ пашам ышта. Кокла пашадар 266 тӱжем теҥге. Пашам ышташ чыла чапле йӧным ыштыме. Тидыже шергакан кадр-влакым Марий Элыште кодаш полша. Компанийын у офисшым почмаш сотрудник- влакым ешараш йоным пуэн. Тидыже ямдылыме продукт деч шукырак парышым налаш да чыла бюджетыш налог оксам шукырак тӱлаш полша.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски