СВО-н Геройжо Сенькан школышто ӱдыр-рвезе- влаклан паша да БПЛА-м виктарыме урокым вӱда

СВО-н Геройжо Сенькан школышто ӱдыр-рвезе- влаклан паша да БПЛА-м виктарыме урокым вӱда
             СВО-н Геройжо Александр Богатырёв  Медведево районысо Сенькан школышто ӱдыр-рвезе- влаклан паша да БПЛА-м виктарыме урокым вӱда. Туныктышо 23 ияш, но илышыте шуко ужын. Александр Аэропорт посёлкышто шочын, Шойбулак школышто тунемын, футбол дене модаш йӧратен. Службым десантник семын Иваново олаште эртен.
             Икымше кече гычак контарктым пеҥгыдемден да Украиныште спецоперацийыште стрелок-оператор семын участвоватлен. Неле контузийым налын гынат, шке жапшым служитлен эртарен да мӧҥгыжӧ пӧртылын. Пырля служитлыме йолташыже- влак опытан лийыныт, Чечня ден Сирий гоч эртеныт. Нунын деч шукылан тунемын. Кызыт тудын вуйлатыме дене тунемше- влак сурт кӧргыштӧ кучылтшаш ӱзгар- влакым ыштат, беспилотникым виктараш тунемыт. Тиддеч посна самырык педагог школын футбол командыжым туныкта, шкеат тунемеш- кызыт тудо Марий университетын физкультура, спорт да туризм факультетшын студентше улеш. Ял илыш дечат ӧрдыжтӧ ок шого, ял илемын депутатше семын тырша. Ачамландым аралышын кечынже Марий Элым вуйлатыше тудлан боевой действийын ветеранжын медальым кучыктен.
           Фото: Туныктыш министерстве.

Прошлые выпуски