Москошто «Абилимпикс» 5-ше калыкле чемпионатын финалже эртен

Москошто «Абилимпикс» 5-ше  калыкле чемпионатын финалже эртен
Кодшо кечылаште Москосо ВДНХ кундемыште «Абилимпикс» 5-ше  калыкле чемпионатын финалже эртен. Тушто Марий Элын 37 еҥан делегацийже участвоватлен. Тушечын 17 еҥже- таҥасыше- влак улыт. Сеҥыше- влакын лӱмыштат рашемын. «Предпринимательство» паша дене Козьмодемьянскысе индустрий да предпринимательстве колледжын студентше Денис Молотов сеҥышыш лектын. А Килемар районысо Арде профессионал техникум гыч Максим Саракеев «Кермычым оптымаш» специальность дене кокымшо лийын. «1С Рарус Йошкар-Ола» ушемын пашаеҥже Владимир Яковлев «Сетевой да системный администрирований» компетенций дене кокымшо верыш лектын. Сокыр- влак ушем гыч Елена Аппакова ден Алевтина Петрова «Крючок да спице дене пидмаш» номинацийлаште кокымшо вер дене палемдалтыныт. Бауман лицейыште тунемше Наталья Репина «Экономика да бухгалтер учёт» компетенций дене кумшо верым сеҥен налын. Сеҥыше- влакым саламлаш гына кодеш.

Прошлые выпуски