Ноутбук - чапле пӧлек

Марий Элым вуйлатыше Александр Евстифеевын кӱштымыжӧ почеш, республикысе школлашке 246 ноутбукым колтат. Эн шуко ноутбук Йошкар-Оласе школлашке кая, кумло кумытым Медведево районлан, коло нылытым Морко районлан пӧлеклат. 18 ноутбук дене Вожский ден Звенигово туныктыш пӧлка-влак налыт, 12 дене Килемар ден Шернур район-шамыч. Кодшо техникым моло муниципал образований-влак коклаште пайлат.

Тунеммаште кучылташ моткоч кӱлешан тыгай пӧлекым «Цифровой образовательный среда» федерал проект дене келшышын, Информационный технологий да туныктымашын качествыжлан оценкым пуышо рӱдер налын.

Прошлые выпуски