Параньга гыч шахматист- влак команде Россий кукшытан турнирыште кумшо верыш лектын
Параньга гыч шахматист- влак команде Россий кукшытан турнирыште кумшо верыш лектын. Самырык шахматист- влакын командышт ялыште да изи олалаште илыше тунемше- влакын Российысе танасымашыштышт ик эн сай лийын. Алтай крайыште турнир элысе 36 регион гыч 72 командым чумырен. Участник- влак 16 ияш да изирак ийготан улыт. Мемнан сборныйышто Марат Рахимов, Николай Тупицын, Тимерхан Рахимов, Самира Валиуллина модыныт. Личный зачётышто Сафия Мухаметшина танасен.
Танасымашын лектышыже почеш Марий Эл командный зачётышто кумшо верым налын. 9 ияш марте удыр- влак коклаште Сафия Мухаметшина икымше верыш, 13 ияш марте рвезе- влак коклаште Марат Рахимов икымшще, Николай Тупицын кокымшо верыш лектыныт. 13 ияш марте удыр- влак коклаште Самира Валиуллина кокымшо лийын. Рвезе- влак коклаште абсолютный зачётышто чыла участник коклаште Марат Рахимов кумшо верыш лектын. Тудо улшо 9 гыч шым очкоат пелым поген. Чыла дистанцийым тудо сеналтде эртен: куд гана сенен да кум ничьям ыштен,- увертара спорт министерстве.
Фото: Спорт министерстве.
Танасымашын лектышыже почеш Марий Эл командный зачётышто кумшо верым налын. 9 ияш марте удыр- влак коклаште Сафия Мухаметшина икымше верыш, 13 ияш марте рвезе- влак коклаште Марат Рахимов икымшще, Николай Тупицын кокымшо верыш лектыныт. 13 ияш марте удыр- влак коклаште Самира Валиуллина кокымшо лийын. Рвезе- влак коклаште абсолютный зачётышто чыла участник коклаште Марат Рахимов кумшо верыш лектын. Тудо улшо 9 гыч шым очкоат пелым поген. Чыла дистанцийым тудо сеналтде эртен: куд гана сенен да кум ничьям ыштен,- увертара спорт министерстве.
Фото: Спорт министерстве.
