Москосо «Тимирязев рудерыште» «Шортньо шыже» агропромышленный выставке пашам ышта

Москосо «Тимирязев рудерыште» «Шортньо шыже» агропромышленный выставке пашам ышта
              Шымше гыч 10-шо октябрь марте Москосо «Тимирязев рудерыште» «Шортньо шыже» Российысе 28-ше агропромышленный выставке пашам ышта. Тушто Марий Элат участвоватла. Тений мероприятий агропромышленный комплексым пайдалын вияндыме технологийлан полеклалтын.
             Ончерын прогрограмме негызыштыже кум шанче –технологий проект веранын: агротехнологий, вольыкым ашныме да биотехнологий. Чылаштыжат кызыт Марий Элынат аграрный секторжо виянеш. Тидымак мемнан экспозиций ончыкта. Стендна республикын брендше Чарла окорок, каза, шорык да ушкал  шор гыч сыр, кондитер сату да рикотта, ферментироватлыме иван-чай да шыл дене палдара. Тиддеч посна келгын перерабатыватлыме продуктат ончыкталтеш: пурса протеин, крахмал, уян кушкыл гыч ыштыме натуральный уй, эм шудо да кушкыл сбор- влак. Мийыше- влак тыгак шке коваштым эскерыме инноваций средстве- влак дене палыме лийын кертыт. Мутлан, регионысо аквафермыште куштымо осётр колын шем мортньыжо да коллагенжын экстрактше дене средстве.
               Мемнан задачына,- каласен ял озанлык министр Павел Раевский, вашкыллан ме виш улына манын ончыкташ кулеш. Ме йулам переген арален кертмынам, тидын годымак у технологий- влакым шыдарымынам, келге переработкым шындарымынам, танасен кертше бренд- влакым ыштымынам ончыктена. Мемнан аграрий- влакын продукцийышт республике деч тораштат йодмаш дене пайдалана. Тыгай «Шортньо шыже» гай площадке- влак ужалыме рашкым шарен колташ да регионын экономике куатшым пегыдемдаш полшат,- каласен министр.
           Фото: Марий Элын ял озанлык министерствыже.

Прошлые выпуски