Тений кугыжаныш автоинспекций 150 утла ийготыш шудымо водительым кучен

Тений кугыжаныш автоинспекций 150 утла ийготыш шудымо водительым кучен
              Республикыштына тений кугыжаныш автоинспекций 150 утла ийготыш шудымо водительым кучен. Нунын кокла гыч шукыжо 16 ийыш шудымо йоча- влак улыт. ГАИ-ште умылтарыме почеш, 16 ияш годым автошколышто тунемаш да мопед але куштылго мотоциклым виктараш правм налаш лиеш  Мутлан, Волжский округысо Кӱчыклук ялыште автоинспектор- влак 13 ияш байкершам йолташ ӱдыржӧ дене, тыгак 15 ияш рвезым мопед дене чареныт. Ынде йоча- влакын шоналтыде кудалыштмыштлан ача-авашт 30  тӱжем теҥге штрафым тӱлат. Самырык нарушитель- влакын мопедыштым спецстоянкыш шогалтыме.
              Тыгак ялыште автоинспектор- влак тракторым шекланеныт. Тудым 17 ияш подростко виктарен. Рвезын праваже уке улмаш да эше ситыдымылан подылшо лийын. Нарушенийлан тудын ӱмбаке ныл административный материалым возымо: йӱшӧ вуя руль  воктеке шичмылан, права укелан, регистрироватлыдыме транспортым виктарымылан да страховко укелан. Административно мутым кучаш техникын озажым да рвезын законло предствительжым шогалтыме.
              Фото: Марий Элын ГАИ-же.

Прошлые выпуски