СВО-н ветеранже- влак «Фермерын школыштыжо» тунеммашым эртат

СВО-н ветеранже- влак «Фермерын школыштыжо» тунеммашым эртат
           Марий Эл гыч СВО-н ветеранже- влак «Фермерын школыштыжо» тунеммашым эртат. Фронт гыч пӧртылмеке боец- влак утларакше амалкалче корным, тидын годымак агропромышленный комплексыштат, ойырен налыт  «Ачамландым аралыше- влак» фонд СВО-н участникше да нунын ешыштлан шке пашам почаш аграрный производство аланыште шинчымашым налаш  тӱрлӧ семын полша. Герой- влаклан «Фермерын школыштыжо» тунемаш йӧным почмо.
          Тиддеч вара нуно Россий ял озанлык министерстве деч грант полышым налаш ӱшаным кучен кертыт. «Агромотиватор» программе почеш шке пашам вияҥдаш грантым Республикым вуйлатыше Юрий Зайцевын кидше гыч Килемар округ гыч Алексей Астафьев ден Курык марий округ гыч Андрей Львов налыныт.
            «Фермер школышто» тунемаш шонышо СВО-н участникше- влак дене ял озанлык министр Павел Раевский ден «Ачамландым аралыше- влак» фондын марий филиалжым вуйлатыше Ренат Магсумов вашлийыныт. Участник- влак 150 шагат дистаниционно теорий шинчымашым налыт. Тиддеч вара 100 шагат агропромышленный комплекс предприятийлаште практикыште ышташ тунемыт.
            Тунем пытарымеке нуно «Агромотиватор» ешартыш гарнт полышым 7 миллион наре теҥгем ял озанлык министерстве деч налын кертыт. Марий Элыште тунеммаш сентябрь мучашыште тӱҥалеш да декабрь мучашлан иктешлалтеш
           Фото: «Ачамландым аралыше- влак» фондын марий филиалже.

Прошлые выпуски