Тений марла диктантым 2358 еҥ возен

Тений марла диктантым 2358 еҥ возен
Марий тиште кече кышкарыште «Марла чын возена» диктантым шымше гана возышт. Акцийыш школышто тунемше да туныктышо, методист ден воспитатель, студент, вузлан преподаватель ден сотрудникышт, шанче да тӱвыра пашаеҥ, журналист да кугыжаныш служащий, кумылан-влак ушненыт. Марий Эл деч посна Татарстаныште, Башкортостаныште, Удмуртийыште да Эстонийыштат возеныт. Тений 104 площадкыште кок тӱжемат 358 еҥ шке шинчымашыжым терген. Марий йылме деке республикыштат, ӧрдыж кундемлаштат тӱткыш кугеммым палемдыме. Марий йылме кафедрын преподавательже- влак мастер- классым эртареныт. Чыла участниклан диктантым возымо шотышто сертификатым пуымо. Сеҥыше- влакым Марий тиште кечын саламленыт да диплом ден полекым кучыктеныт.

Прошлые выпуски