Профессионал тӱныктыш тӧнеж- влакын эн сай социал партнёрыштым рашемдыме
Республикыштына сентябрь гыч ноябрь марте эртыше «Профессионал туныктыш тӧнежын эн сай социал партнёржо» конкурсым иктешлыме. Тушко 13 профессионал тӧнеж да нунын партнёрышт ушненыт ыле. Тушечын финалыш кандашыже лектын. Тиде Троллейбус транспорт предприятий (Автодорожный техникумын соцпартнёржо), «Интерлайн» ушем (Торгово-технологий техникумын партнёржо), «Коҥга рӱдер» ушем (Йошкар-Оласе строительный техникумын партнёржо), «Родина» ушем (Марий политехник техникумын соцпартнёржо). Тыгак финалист радамыште Оршанкысе «Колокольчик» йоча сад (Оршанкысе Глушков лӱмеш лицейын партнёржо), «Потенциал» ушем (Индустрий да предпринимательство колледжын партнёржо), «Ультрамарин» моторлык салон (Йошкар-Оласе технологий колледжын партнёржо), «Студия 8» моторлык салон (Йошкар-Оласе сервис технологий техникумын партнёржо) улыт.
