Александр Евстифеев: «Кучем кӱкшыт гыч мо дене полшаш лиеш, чыла ышташ кӱлеш».

Александр Евстифеев: «Кучем кӱкшыт гыч мо дене полшаш лиеш, чыла ышташ кӱлеш».
Паша лектыш- кӱлешан теме. Сандене тудлан полшаш кучем кӱкшытыштӧ мом ышташ лиеш, чыла ыштен шукталтшаш. Тидын нерген ойлен Марий Элым вуйлатыше Александр Евстифеев Москосо Сколковышто теҥгече тӱҥалше паша лектыш шотышто икымше Тӱнямбал форумышто. Форум тӱжем утла еҥым чумырен. Нунын коклаште Российысе да йот элласе Кугыжаныш кучем органын, бизнесын еҥышт улыт. Форум паша лектышым кугемдыме кӱлешан йодыш- влакым каҥашыме тӱҥ площадкыш савырнен. Паша программыште аныклыме производство йӧн дене вияҥдыме экономикан ончыл эл- влакын сай пашаштым ончыктымо. Каҥашымашке ятыр йодышым лукмо. Российысе предприятий- влакын ятыр йодышыштым виктарен колташ «Паша лектыш да пашаверым муаш полшымаш» калыкле прект йӧным ыштышаш. Тудо Владимир Путинын тӱналтышыж почеш шыҥдаралтеш. Александр Евстифеев экономикым вияҥдыме йодыш дене заседанийыште, машиностроений, агропромышленный комплекс, чоҥымаш, ЖКХ, транспорт дене кылдалтше каҥашыме площадкылаште пашам ыштен. Республикыште да элыште паша лектышым кугемдыме йодыш кузе виктаралтме нерген ойлен. Российыште пытартыш коло ий жапыште ятыр промышленный предприятийым почмо. Нуно у оборудований, у технологий, персонал дене пашым ыштыме у йӧн- влакым кучылтыт. Паша лектышышт тӱнямбал йодмаш дене келшен толеш. Сандене тушто кугу вашталтыш ок кӱл. А теве тошто производство, завод- влак- тиде вес йодыш. Тушто персоналымат туныктыман, у технологий линийым, стандартым, у материалым кучылтман, - каласан Александр Евстифеев. Паша лектышым кугемдымаш самырык специалист- влаклан полшымаш гычат шога. Самырык- влак оксам ыштен налаш пеш кумылан улыт да пашашке чолган ушнат. Тыште паша лектышым кугемыме йодыш пеш кӱлешан улеш. Сандене кучем кӱкшыт гыч мо дене полшаш лиеш, чыла ышташ кӱлеш, манын тудо.

Прошлые выпуски