«Театральное Приволжье» фестивальын спектакльже- влакым шӱдӧ тӱжем еҥ ончен
«Театральное Приволжье» фестивальын спектакльже- влакым шӱдӧ тӱжем еҥ ончен. Тиде фестиваль Российысе театр идалыкыште самырык- влакын ик эн ойыртемалтше проектышт. Тушто школышто тунемше да студент- влак шке постановкыштым ончыктеныт. Спектакльлаште Юл кундем округысо 7 тӱжем утла самырык актёр, студент да тунемше- влак участвоватлентыт. Тидын нерген теҥгече финал йӱклымашлан пӧлеклалтше окружной совещанийыште увертарыме. Йӱклымаш эрла 13 шагатлан тӱҥалеш. Тыгай кугу мероприятийым эртараш Юл кундем округышто Россий Президентын полпредше Игорь Комаров темлен ыле. Самырык актёр- влаклан округысо чыла кундемын вуйлатышышт полшен шогеныт. Видео йӧн дене постановко- влакым 35 тӱжем еҥ ончен. Ушештарена: 30-шо октябрьыште йӱклымаш мучашлалтеш да «Эн сай школ театр», «Эн сай студент театр», «Эн сай режиссёр», «Эн сай актёр», «Эн сай актриса» номинацийлаште сеҥыше- влакым палемдат. Округысо кажне еҥ эн сай спектакль верч шке йӱкшым пуэн кертеш. Яра телефон номер пашам ышта: 8 800 350 35 43. Йӱклымаш эрла 13 шагатлан тӱҥалеш.
