Рӱдӧ оласе тӱҥ кӱварым 2-шо июль гыч 31-ше август марте олмыкташ петырат
Рӱдӧ оласе тӱҥ кӱварым 2-шо июль гыч 31-ше август марте олмыкташ петырат. «Троллейбус транспорт» муниципал предприятийын директоржын сомылжым шуктышо Александр Ляховын мутшо почеш, технический кӱлешлыклан кӧра корным ондакырак петыраш тӱҥалыт. Мутлан таче, 22 шагат гыч икымше июльын 5 шагат эр марте кӱварым пӱтынек петырат. Тиде жапыште специалист- влак контакт сетьым тошто гыч у кӱварыш кусарат. Тидыже тошто кӱварым олмыктымо годым у кӱварыште троллейбуслан кок могрышкат кошташ йӧным пуа. Кокымшо гана кӱварым икымше гыч кокымшо июльыш йӱдым петырат. Тыгак 22 шагат гыч 5 шагат эр марте. Тиде жапыште ямдылыме паша да кӱвар коммуникаций- влакым тергымаш эрта. Ушештарена: Тӱн кӱварым 1962-шо ийыште почмо. Тудын кужытшо 119 метр утла. Кӱварын кокымшо ужашыжым 2015-ше ийыште ыштыме ыле.
Фото: Марий Элым вуйлатышын архивше гыч. МариМедиа.
Фото: Марий Элым вуйлатышын архивше гыч. МариМедиа.
