Республике мучко «Йӱд кино» акций лиеш
24-ше августышто Марий Элыште «Йӱд кино» Россий кӱкшытан акций эрта. Республикысе чыла район ден олалаште фильмым ончаш площадке- влакым почмо лиеш,- увертара ончымо да колыштмо документым аралыше Кугыжаныш архив. Кумылан- влак Российысе кум кином яра ончен кертыт. Тиде «Балканский рубеж», «Полицейский с Рублёвки. Новогодний беспредел» да «Домовой» фильм- влак. Лач нуным Россий мучко йӱклымаш почеш ойырен налме. Йошкар- Олаште кино- влакым Россий Армийын тӱвыра полатыштыже ончыкташ тӱҥалыт. А республике мучко чылаже 28 площадке лиеш.
