Республикысе журналист- влак «Российын патриотшо» конкурсышто сеҥыше- влак радамыш логалыныт

Республикысе журналист- влак «Российын  патриотшо- влак- 2020» конкурсышто сеҥыше- влак радамыш логалыныт. Печать да тӱшка коммуникаций шотышто федерал агентство ден Тӱнямбал пресс-клуб патриотизм шӱлышеш шуарыме темым почын пуымо шотышто «Российын Патриотшо- влак» Россий кӱкшытан конкурсым иктешленыт. Сеҥыше- влак радамыш Марий Элысе журналист- влакат пуреныт. «Ме Российыште илыше улына» номинацийыште «Шернур кундем» газетын корреспондентше Алевтина Вшивцева икмыняр публикацийжылан кумшо вер дене палемдалтын. «Историйым йоҥылыш ончыктымо ваштареш» номинацийыште тыгак кумшо верым Килемар районысо «Восход» газетын тӱҥ редакторжо Любовь Смирнова налын. «Жапым ончыде» номинацйыште кумшо верым «Марий Эл радион» тӱҥ редакторжо Владимир Матвеевлан «Айдемын пӱрымашыже» циклжылан пуымо. Российысе конкурсыш чылаже 77 кундем гыч тӱжемат 595 пашам колтышо 354 йодмаш пурен. Финал мероприятий да саламлымаш тений сентябрьыште воин чап олаште- Архангельскыште эртышаш.

Прошлые выпуски