Республикым вуйлатыше Волжск оласе дзюдо залын леведышыжым олмыкташ оксам ойыраш кӱштен

Республикым вуйлатыше Волжск оласе дзюдо залын леведышыжым олмыкташ оксам ойыраш кӱштен
              Республикым вуйлатыше Юрий Зайцев Волжск оласе физический культурым да спортым вияҥдыме рӱдерыште дзюдо залын леведышыжым капитально олмыкташ Марий Эл Правительствын резерв фондшо гыч кум миллионат 300 тӱжем теҥгем ойыраш кӱштен. Тыгай решенийым тудо олашке паша визит дене мийымыже деч вара луктын. Волжск олам вуйлатыше- влак дене совещанийыште проблеман йодыш- влакым каҥашеныт. Калыкын нӧлталме ик темыже- тиде спорт объектын могай улмыжо дене кылдалтын. Леведышын вӱдым колтымыжлан кӧра, кӧргӧ пӧлем- влак локтылалтыныт. Залыште 130 самырык спортсмен шуаралтеш. Нунылан лӱдыкшыдымӧ да кызытсе жаплан келшыше йӧным ыштыман. Калыкын обращенийже дене умбакыжат пашам ышташ тӱналына да республикысе спорт инфраструктурым вияҥдыме пашам поддержатлен шогена.- палемден республикым вуйлатыше.
             Фото: Ю.Зайцевые ТГ каналже.

Прошлые выпуски