Республикысе кок медицина организаций 25 миллион теҥгелан медицина оборудованийым налаш аукционым увертареныт
Республикысе кок медицина организаций «Марий Элысе тазалыкаралтышын первичный звеножым уэмдымаш» регионысо проект кышкарыште 25 миллион теҥгелан медицина оборудованийым налаш аукционым увертареныт. Тиде- неле медицина оборудованийым кондымо да пашаш колтымо нерген ойлалтеш. Звенигово рӱдӧ эмлыме вер шодылан флюорографийым ышташ рентген аппаратым 10 миллионат пеле теҥгелан, Козьмодемьянскысе эмлыме вер 14 миллионат пеле теҥгелан стационар рентген аппаратым налыт. Регионысо проект кышкарыште 2023-шо ийыште 15 медицина оборудованийым налаш палемдыме. Нунын коклаште шаргаканжат уло. Чылаже 202 миллион теҥге утла лиеш. Йошкар-Оласе эмлыме вер ден кокымшо поликлинике УЗИ аппарат дене пойдаралтыт. Стационар рентген аппарат- влакым Йошкар-Оласе эмлыме вер, Медведево, Морко, Звенигово, Шернур рӱдӧ эмлыме верлашке, Козьмодемьянск оласе да Килемар районысо эмлыме верыш кондат. Флюорографийлан аппаратым икымше номеран медико-санитар часть, Звенигово да Марий Турек ЦРБ налыт. У рентген маммограф аппарат Советский ЦРБ-ш толшаш.
Фото: Тазалыкаралтыш министерстве.
Фото: Тазалыкаралтыш министерстве.
