Республикысе кок предприятий инвестпроектлам шыҥдараш льготан займым налын

Республикысе кок предприятий инвестпроектлам шыҥдараш льготан займым налын
              Республикысе кок предприятий инвестпроектлам шыҥдараш льготан займым налын. Инвестиций виянме фонд Йошкар-Ола шылкомбинатлан ямде продукцийым оптен колтымо экспедицийым уэмдаш талукышто ик процент дене 198 миллион теҥгем пуэн. Предприятий логистике паша- влакым пужен ышташ да автоматизироватлаш шона. Тидыже сатум вашкерак верышке намиен нукташ да ужалкалыме рынкылам кумдаҥдаш полша. Идалык мучашыште шылкомбинат оборудованийым налеш, а вес ийын тудым пашаш колта.                       Кокымшо заёмщикше- «БАМ» Компаний». Тудо алюминий конструкций- влакым, вошт койшо перегородкым ышта, шуко пачеран пӧртлашке яндам шында. Фонд тудлан тыгак талукышто ик процент дене икымше кум ийлан да кодшо кок ийлан кум процент дене 20 миллион теҥгем пуаш келшен. Тиде предприятият производствым модернизироватлаш да оборудованийым налаш шона.
              «Мемнан аграрно-индустриал кундемлан ял озанлык да промышленный предприятийлам вияҥдымаш пеш кугу значениян улеш. Сай вашталтыш кызытак шижалтеш. Предприятий- влакын кугу потенциалышт уло, а ме виянашышт полшена»,- каласен шке телеграм-каналыштыже Марий Элым вуйлатыше Юрий Зайцев.
        Фото t.me/yvzaitsev

Прошлые выпуски