Тений Республикыштына 9 школым капитально олмыктат

Тений Республикыштына 9 школым капитально олмыктат
            Тений Республикыштына 9 школым капитально олмыктат. Мер поддержке Штабыште видеоконференций йӧн дене «Единый Россий» партийын Генеральный Советшын секретарьже Владимир Якушев совещанийым эртарен. Тушто Россий просвещений министр Сергей Кравцов участвоватлен. Заседанийыште Марий Эл гыч Республикым вуйлатыше Юрий Зайцев лийын. Повесткыште школлам, йоча садлам да кыдалаш профессионал образований тӧнежлам чоҥымо да капитально олмыктымо йодыш- влак лийыныт.
             Марий Элым вуйлатыше палемден:  йоча- влакым туныктымаште да шуарымаште республике ӱшанлын ончыко кая. Тений Шернур, Куженер, Марий Турек, Курык марий, Медведево районлаште, Волжскышто да Йошкар-Олаште 9 тунемме тӧнежын 10зданийжым капитально олмыкташ палемлыме. Тиде пашалан ик миллиард утла теҥгем ойырымо. Тушечын 955 миллион теҥгеже- федерал окса. Марий Турек районышто да Волжскышто «Ромашка» ден «Орленок» йоча садлам олмыкташ 128 миллион теҥгем ойырымо. Контракт почеш школ ден йоча сад- влакым икымше августлан капитально олмыктен пытарышаш улыт.
               Калыкле проект почеш тыгак колледжлан тунемме корпусышт ден тӱшкагудышт капитально олмыкталтыт. Тиде пашалан 310 миллион теҥгем палемдыме. 2025-ше 2027-ше ийлаште Йошкар-Оласе 9-ше А микрорайонышто у школ чоҥалтшаш. Тушто чоҥымо пашам тӱналме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски