Теҥгече йочам аралыме кече кумдан палемдалте
Теҥгече йочам аралыме кече кумдан палемдалте. Тиде кечын ола деч ӧрдыжсӧ «Радужный» лагерьыште у корпус- влакым почмо. Теҥгечак тиде йоча рӱдерыште Икымше- влак толкынын «Содружество орлят России» проектыштыже чолган участвоватлыше ӱдыр-рвезе- влаклан смена тӱналын. Сменым почаш, йоча- влакым пайрем да каныш тӱҥалме дене саламлаш Марий Элым вуйлатыше Юрий Зайцев миен. Тунемше- влаклан лагерьыште ешарен 98 верым ыштыме. Тыге кеҥежым шукырак йоча каналтен кертеш. Кок илыме корпусым Федераций Советым вуйлатыше Валентина Матвиенко да Просвещений министерствын тӱналме программышт почеш чоҥымо. Модулян конструкций- влакым нӧлташ оксам федерал да регионысо казна гыч 110 миллион утла теҥгем ойырымо. Вес ийын тиде лагерьыште тудо программе почешак кочмыверым да медпунктым олмыктат. Республикым вуйлатыше у зданий- влакым ончен, йоча, вожатый да лагерьым вуйлатыше- влак дене мутланен. Тудо палемден: ола деч ӧрдыжсӧ йоча лагерь-влакым умбакыже уэмдаш тӱналыт да икшыве- влакым Тӱнямбал пайрем дене саламлен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
