Республикысе медицина тӧнеж- влакым пойдараш тенийлан палемдыме чыла оборудованийым налме

Республикысе медицина тӧнеж- влакым пойдараш тенийлан палемдыме чыла оборудованийым налме
             «Тазалыкаралтышын первичный звеножым уэмдымаш» регионысо проект кышкарыште республикысе медицина тӧнеж- влакым пойдараш тенийлан палемдыме чыла оборудованийым налме да республикыш кондымо. 197 миллион теҥгелан 15 оборудованийым налме. Первичный звено- влак шодо флюорографийлан кум рентген аппарат, рентгенографийлан индеш стационар аппарат, цифран маммограф, кок УЗИ аппарат дене пойдаралтыныт. Шушаш ийын эше шерге акан 9 рентген оборудованийым налаш палемдыме. Тудын акше 130 миллионым эрта. Медицина организаций- влак 57 миллион теҥгелан кум оборудованийым кондаш контрактым ыштеныт. 2024-ше ийыште шодо флюорографилан 5 рентген аппарптым да рентгенографийлан ныл стационар рентген аппаратым налме лиеш. Вич ийыште 2025-ше ий марте 79 оборудованийым налаш палемдыме. Тушечын 49-ыже тоштым вашталташ, 30-жо - медицина организаций- влаклан ситараш. Тиде пашалан 836 миллион теҥгем колташ палемдыме.
             Фото: Тазалыкаралтыш министерстве.

Прошлые выпуски