Республикысе тӱвыра министерствын лӱмгечыжлан пӧлеклалтше выставке почылтын
Республикысе тӱвыра министерствын лӱмгечыжлан пӧлеклалтше выставке Йошкар-Олаште почылтын. Министерствын 70 ияш лӱмгечыжлан пӧлеклалтше «Тӱвырам аралыше- влак» историй да документ ончер министерствыштак пашам ышта. Экспозицийым Республикысе кугыжаныш архивын сотрудникше- влак ямдыленыт. Ончерыште архив документлам, вуйлатыше да тӱрлӧ ийлаште кучем органын верланыме зданийлан фото сӱретыштым ончаш лиеш. Чыла ийлаштат министерстве республикым вияҥдымаште ончылно лийын, неле, кӱлешан да ответственный задаче- влакым виктарен. Кызытат мемнан ончылно кугу задаче- влак шогат,- каласен тӱвыра министр Константин Иванов. Марий АССР-ын тӱвыра министерствыжым 1953-шо ий 30-шо майыште ыштыме. Кызыт министерствын ведомствыш пурышо 29 организацийже уло, ведомствын штатыштыже 51 еҥ тырша.
Фото: Тӱвыра министерстве.
Фото: Тӱвыра министерстве.
