Марий Эл гыч гуманитар грузым Лӱмын эртарыме сар операций кундемыш боец- влаклан колтеныт

Марий Эл гыч гуманитар грузым Лӱмын эртарыме сар операций кундемыш боец- влаклан колтеныт
               Марий Эл гыч гуманитар грузым Лӱмын эртарыме сар операций кундемыш боец- влаклан колтеныт. Луганск да Донецк республикылаш, Херсон да Запорожск областьлаш Марий Эл гыч боец- влаклан кок фурым колташ ямдылымее. Землякна- влаклан квадрокоптерым, тепловизорым, тепловизионный прицелым Юрий Зайцевын кӱштымыжӧ почеш налме, тыгак кок квадроциклым, «Хантер» УАЗ-ым, дизель генераторым, ноутбукым, принтерым Бокс федераций ямдылен. Волонтёр организаций-влак илыме йӧным саемдаш сату- влакым погеныт. Посылкым теҥгече машинаш оптымо, таче наҥгайыме. Правительство председательын алмаштышыже Степан Воронцов грузым ямдылымым терген шоген да погымашке ушышо- влаклан тауштен ойлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски