Республикын правительствыже Китай гыч партнёр- влак дене вашкылым кучымо корным палемденыт
Республикын правительствыже Китай гыч партнёр- влак дене вашкылым кучымо корным палемденыт. Марий Элысе предприятийлам вуйлатыше- влак Шанхай гыч бизнес-сообществын еҥже- влак дене вашлийыныт. Вашлиймаш Москошто эртен. Марий Элын делегацийжым Юрий Зайцев вуйлатен. Бизнесым вияҥдаш да ужалыме кумдыкым шараш шонышо- влак республикыштына производство рӱдер- влакым ыштымаште, кӱкшӧ технологиян оборудованийым кондымо, шанче разработко- влакым кучылтмаште вашкыл нерген йодыш- влакым каҥашеныт. Республикым вуйлатыше ушештарен: партнёр кылым тудын Киайыш мийымыже годым каҥашыме. Регионыштына пырля инвестиций проект- влакым шыҥдараш сай йӧным ыштыме. Мутлан, республикым газ дене тичмаш Россий деч шукырак авалтыме, инфраструктура вияҥше. Республикыште сай шанче-производство базым ыштыме, кӱлеш ресурс, кадр ситышын уло. Предприятий- влакын Китай гыч бизнес еҥ- влак дене вашкылышт производствым вияҥдаш да россий рынке гыч кайыше йотэл компаний- влакын кайыме верым айлаш йӧным пуа. Китай партнёр- влак кугу проект- влакым шыҥдараш ямде улмышт нерген каласеныт да республикым ятыр сомылым вияҥдаш ончыкылыкан кундем семын аклат. Вашлиймашыште бизнес аланыште да пайдале вашкылым вияҥдымаште ончыкылык ошкыл- влакым палемденыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
