Республикысе унагудо- влак тичмаш куатын пашам ыштен кертыт
Республикысе унагудо- влак тичмаш куатын пашам ыштен кертыт. Чарымаш шотышто черетан луштарымашым пуртымо. Марий Элым вуйлатыше Александр Евстифеев республикысе правительствын пунчалышкыже ешартыш вашталтышым пуртен. Документ дене келшышын, тачысе кече гыч 50 процентлан гына спорт объектым темаш лиеш манме йодмаш кораҥдалтеш. Тиддеч посна унагудо, пансионат, каныме пӧрт да база, санаторий, талук мучко ыштыше йоча тазалыкым пеҥгыдемдыме да санаторный лагерь, моло санаторно-курорт организаций- влак чарымые деч посна пашам ыштен кертыт. Тыгак муниципал да регион кӱкшытан спорт да физкультура мероприятий- влакым эртарыше организаций- влаклан 30 процент ончышо- влакым поген, нунын коклаште метрат пеле дистанцийым эскерен, пашам ышташ кӱштымӧ. Тышкак ГТО нормативым шуктымаш пура.
