Республикыш 105 вуй кугыпӱчӧ ден олапӱчым конденыт

Республикыш 105 вуй кугыпӱчӧ ден олапӱчым конденыт
              Республикыш 105 вуй кугыпӱчӧ ден олапӱчым конденыт. Тений Волжский районышто верланыше «Волжский» сонар озанлыкыш Иваново да Белгород областьла гыч 75 вуй олапӱчым да 30 вуй кугыпӱчым вольерыште ашнаш да ӧрчаш конденыт. Кызыт Марий Эл кундемыште кум озанлыклан пеле эрыкан йӧныштӧ сонралык ресурсым ашнаш ныл разрешенийым пуымо. Кодшо ийын Звенигово районышто 23 гектар кумдыкан вольерым чоҥымо. Тушто лу вуй марал ила. Шернур ден Волжский районлаште 400 гектар кумдыкан эше кок вольерым чоҥаш палемдыме. Тушто кугыпӱчӧ ден иргазам (косульым) шукемдаш тӱҥалыт. Сонарзе озанлыклаште кугыпӱчӧ ден олапӱчым ӧрчыктарымаш ончыкыжым сонар сферыш инвестицийым кондаш да сонар туризмым вияҥдаш йӧным ыштышаш.
            Фото: Марий Элысе янлык тӱням оролымо, тергыме да виктарыме шотышто департамент.

Прошлые выпуски