Республикыште илыше 739 еҥ социал контрактым кылден
Республикыште илыше 739 еҥ социал контрактым кылден. Марий Элым вуйлатыше Юрий Зайцев правительствын заседанийжым эртарен. Тушто амбулаторный йӧныштӧ калыклан эмымым ситарымашым, шуко пачеран пӧртлаште тӱшка погым капитально олмыктымым да социал контарктым шыҥдарымым каҥашеныт. Паша да социал аралтыш министрын алмаштышыже Эдуард Загрутдинов социал контракт почеш социал полышым пуымо нерген ойлен. Тений икымше сентябрьлан шотлымаште 739 социал контрактым пеҥгыдемдыме. Роскотшо 158 миллион теҥге лийын. Тушечын 156 миллион утлаже федерал бюджет гыч, ик миллионат 600 тӱжем теҥгеже республикын казнаже гыч. Ятыр сай контрактше моторлык сфере дене кылдалтын, тыгак ял озанлык дене, поснак Курык марий районышто саскам ончен- куштымо шотышто ойпидышлам палемдыме.
Тазалыкаралтыш министрын алмаштышыже Таьяна Бастракова увертарен: амбулаторно эмлалтме годым эмым ситараш тений федерал бюджет гыч 210 миллион теҥгем колтымо. Куд ий жапыште ойырыо окса 37 процентлан ешаралтын.
Чоҥымаш, архитектура, илыме вер да коммунал озанлык министр Александр Криворотов «Шуко пачеран пӧртлаште тӱшка погым капиально олымктымаш» республикысе адресан программым 2014-ше 2049-ше ийлаште шыҥдарыме нерген ойлен. Тиде программе ныл тӱжем шуко пачеран пӧртым ушен шога. Тушто 475 тӱжем еҥ ила. 2014-ше ий гыч капитально олмыкташ ныл миллиардат 570 миллион теҥгем ойырымо. 2024-ше ийын лектышыже почеш 68 леведышым, 27 фасадым, 5 подвалым олмыктымо лиеш, пӧрт кӧргысӧ 115 инженер системым, 94 лифтым вашталтен шуктышаш улыт.
Фото: Марий Элым вуйлатышын администрацийжын увер дене пашам ыштыше пӧлкаже.
Тазалыкаралтыш министрын алмаштышыже Таьяна Бастракова увертарен: амбулаторно эмлалтме годым эмым ситараш тений федерал бюджет гыч 210 миллион теҥгем колтымо. Куд ий жапыште ойырыо окса 37 процентлан ешаралтын.
Чоҥымаш, архитектура, илыме вер да коммунал озанлык министр Александр Криворотов «Шуко пачеран пӧртлаште тӱшка погым капиально олымктымаш» республикысе адресан программым 2014-ше 2049-ше ийлаште шыҥдарыме нерген ойлен. Тиде программе ныл тӱжем шуко пачеран пӧртым ушен шога. Тушто 475 тӱжем еҥ ила. 2014-ше ий гыч капитально олмыкташ ныл миллиардат 570 миллион теҥгем ойырымо. 2024-ше ийын лектышыже почеш 68 леведышым, 27 фасадым, 5 подвалым олмыктымо лиеш, пӧрт кӧргысӧ 115 инженер системым, 94 лифтым вашталтен шуктышаш улыт.
Фото: Марий Элым вуйлатышын администрацийжын увер дене пашам ыштыше пӧлкаже.
