Куженер районышто шнуй памашыште чывылталтме верым ыштеныт
Куженер районышто шнуй памашыште чывылталтме верым ыштеныт. Ынде Изи Чарнур ялысе калыкын шкеныштын кавасе аралтышышт уло- святитель Спиридон Тримифунтский. Никольский храмын настоятельже, протоиерей Вячеслав Михайлов вӱдлан да чоҥымо купельлан шнуй шӱлышым пуртен. Храмыште рушарня литургийым эртарыме деч вара юмылан ӱшаныше- влак ыресым нумалын Куженер гыч памаш марте ошкыл эртеныт. Изи Чарнур калык памаш кундемым шке тӱзландарен: корным ыштеныт, тулым пуртеныт, кок пӧлкан купельым чоҥеныт, канашлан беседкым, вӱдым налме йӧнан верым ыштеныт. Изи скульптурым вераҥденыт- Спиридон Тримифунтскийын изи катажым. Тудым мастар Василий Кушнирик ямдылен.
Фото: Йошкар-Ола епархий.
Фото: Йошкар-Ола епархий.
