Йошкар-Олаште картинг дене тунемше- влак коклаште Республике кӱкшытан «Шӧртньӧ шыже» лично-командный таҥасымаш эртен
Картинг дене таҥасымаште призан вер- влакым Йошкар-Ола, Советский, Медведево гыч команде- влак налыныт. Йошкар-Олаште картинг дене тунемше- влак коклаште Республике кӱкшытан «Шӧртньӧ шыже» лично-командный таҥасымаш эртен. Тушто Марий Эл да Киров область гыч 45 спортсмен ӱчашен. Нуно вич класс дене таҥасеныт: «Дружба», «Мини», «Пионер», «Пилот» да «Минск». Иктешлыме почеш тӱшка команде зачётышто йоча да самырык- влакын техник усталык рӱдерыштын «Картинг» клубыштын командыже ончылно лийын. Кокымшо верым Советский посёлко гыч рвезе- влак, кумшым Медведево районысо йоча усталык пӧртын командыже налыныт. Чыла сеҥыше ден призёр- влак туныктыш министерствын дипломжо дене палемдалтыныт, кубок ден медальым налыныт.
Фото: Туныктыш министерстве.
Фото: Туныктыш министерстве.
