Республикыште илышлан кӱлешан чыла объект да социал сфера шыже – теле жаплан ямде улмо шотышто паспортым налыныт
Республикыште илышлан кӱлешан чыла объект да социал сфера шыже – теле жаплан ямде улмо шотышто паспортым налыныт. Телылан ямдылалтме да промышленный лӱдыкшыдымылыкын могай улмыжо шотышто йодышым Марий Элым вуйлатыше Юрий Зайцев ден экологий, технологий да атом надзор шотышто федерал службын Юл кундемысе виктемжым вуйлатыше Азат Мубаракшин дене вашлиймышт годым канашеныт. Регионым вуйлатыше палемден: Ростехнадзор дене пырля виктарыме паша, кӱлеш объект ден социал сферым ямдылыме план-графикым чаткан шуктымаш сай вашталтышыш шуаш полшеныт. Ростехнадзорын чыла йодмашыжым шуктымо, предприятий- влак ямде улмо шотышто паспортым налыныт. Олтымо тургымлан республикыште вич тӱжемат 206 шуко пачеран пӧртым, 542 котельныйым, 699 меҥге кужыт теплосетьым, кок тӱжемат 655 меҥге вӱд пучым, тӱжемат 102 меҥге канализаций сетьым ямдылыме, 267 котлоагрегатым капитально олмыктымо але вашталтыме. Олтымо тургым штат режим дене кая. Промышленный лӱдыкшыдымлык йодышымат ончымо. Азат Мубаракшин увертарен: Ростехнадзорын Юл кундем виктемже дене кыл шотышто проблеман йодыш- влак уке улыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
