Йошкар-Олаште ола озанлык виктемын ончычсо вуйлатышыжым судитлаш тӱҥалыт
Йошкар-Олаште ола озанлык виктемын ончычсо вуйлатышыжым ийготыш шудымо рвезын колымыжлан кӧра судитлаш тӱҥалыт. Рӱдӧ олан прокуратурыжо следствий комитетын погымо доказательствыжым ситышылан шотлен да 36 ияш поръеҥ шотышто уголовный паша почеш титаклаш йӧршылан шотлен. Пӧръеҥ айда лийже койышыжлан кӧра еҥ колымылан титаклалтеш. Следствийын версийже почеш ола озанлык виктемын ончычсо вуйлатышыже Изи Какшан эҥер серыште каныме верым ыштыме годым еҥ- влаклан лӱдыкшыдымылыкым ышташ кӱлеш мерым приниматлен огыл. 2022-шо ий октябрьыште Итальян парк воктелсе модмо площадкыште муниципал контракт кышкарыште «Лӱҥгалтыш» йоча оборудованийым вераҥдыме. Титаклыме еҥ балансир пырням пижыктыме болт деч посна модыш конструкцийым пашаш колташ разрешенийым пуэн. Тыге 13-шо ноябрьыште азап лийын. Балансир –пырня 15 ияш рвезе ӱмбаке камвозын. Рвезе туштак илыш дене чеверласен. Титаклыме заключенийын копийжым кучыктымеке прокуратура уголовный пашам Йошкар-Ола судыш ончаш колта.
