Марий Эл Кугыжаныш Погынлан 85 ий темын

Марий Эл Кугыжаныш Погынлан 85 ий темын
              Марий Эл Кугыжаныш Погынлан 85 ий темын. Тиде пале дате дене депутат- влакым да республикысе кугыжаныш кучемын кӱшыл законодательный органын аппаратшым Марий Элым вуйлатыше Юрий Зайцев саламлен. Тудо палемден: законодательный кучемын историйже марий кундемын шочмо да вияҥме историйже дене чак кылдалтын. Законодательный да исполнительный кучем орган-влакын, верысе самоуправленийын шуко ий дене паша да пайдале вашкылыштым пеҥгыдемдыме, российысе ик право кумдыкым саемдыме, парламент кокласе кылым вияҥдыме. Тыгак депутат- влакын пашаштлан тауштен ойлен. Кугыжаныш Погыным вуйлатыше Анатолий Смирноват марий парламентын историйже нерген каласкален, кызытсе задаче нерген ойлен да депутат- влакым пайрем дене саламлен. Федераций Советым вуйлатышын алмаштышыже, Марий Эл кучем деч представитель Константин Косачёв Россий парламентын кӱшыл палатыжын Председательже Валентина Матвиенкон саламлымашыже дене палдарен. Марий Эл деч вес представитель Сергей Мартынов депутат корпусын сеҥымашыже дене палымым ыыштен. регионысо законодательствым федерал законодательстве дене тӧр кондымым палемден, Марий Элым вияҥдыме индивидуал программым приниматлыме, кугу калыкле проект- влак нерген каласкален. Торжественный мероприятий наградым кучыктымаш да тӱшкан войзалтмаш дене мучашлалтын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски